"Сақтандыруды қадағалау"

автоматтандырылған ақпараттық шағын жүйесі

Зияткерлік меншік объектісін мемлекеттік тіркеу туралы
07.10.2002ж. № 221 куәлік.

Мақсаты:

Шағын жүйе Қазақстан Республикасының Ұлттық Банкінде пайдалануға арналған.

Шағын жүйе Қазақстан Республикасының сақтандыру нарығының кәсіби қатысушыларының сақтандыру қызметі бойынша ақпарат жинау процестерін, жиналған және жүйеге енгізілген ақпаратқа жедел кіруді, сақтандыру жүйесін реттеу жөнінде шешімдер қабылдау үшін жиналған ақпаратты талдауды автоматтандыруды қамтамасыз етеді.

Мыналар:

§         сақтандыру қызметіне қадағалауды жүзеге асыратын орталық аппарат;

§         сақтандыру және қайта сақтандыру ұйымдары;

§         сақтандыру және қайта сақтандыру брокерлері;

§         актуарийлер;

§         уәкілетті аудиторлар;

§         екінші деңгейдегі банктер;

§         сақтандыру нарығының басқа субъектілері автоматтандырылған ақпараттық шағын жүйенің субъектілері болып табылады.

Құрамы:

Шағын жүйе жекелеген АЖО-нан тұрады: "Басқарушы" АЖО-нан, "Пайдаланушы" АЖО-нан "Есептік-статистикалық ақпаратты жинау" АЖО-нан және "Сақтандыру ұйымдарының есептерін қалыптастыру" АЖО-нан.

Эргономика және эстетика:

Шағын жүйе пайдаланушылар жұмысының барынша қолайлылығын және өнімділігін қамтамасыз ететіндей жобаланған. Ақпаратты қолмен енгізу мүмкін болатын барлық жағдайлар ААШЖ анықтамалықтарынан деректерді таңдап алумен ауыстырылды. Экрандық нысанындағы кестелер мен тізімдерде берілген деректемелер бойынша жедел мәтіндік іздестіру көзделген. Экрандық нысандарда деректерді іріктеу және топтастыру мүкіндігі, сондай-ақ сүзгілерді қолдану мүмкіндігі берілген.

Архитектурасы:

TCP/IP хаттамасы бойынша жергілікті не корпоративтік желіде жұмыс істеу мүмкіндігі бар клиент–сервер.

"Басқарушы" АЖО пайдаланушыға:

§         атын және паролін бере отырып жүйенің жаңа пайдаланушыларын енгізуге;

§         пайдаланушыларға деректер базасының объектілеріне және жүйенің функцияларына кіру құқығын беруге;

§         пайдаланушыларды деректерге және ААШЖ функцияларына кіруден оқшаулауға;

§         пайдаланушыны деректер базасынан ажырату үшін белсенділігінің болмауы кезеңділігін белгілеуге;

§         ААШЖ жұмысының жүйенің сервистік функцияларына қатысты параметрлерін (пайдаланушылардың парольдерді ауыстыру кезеңі, жекелеген режимдерде деректерді бекіту мүмкіндіктерін орнату-жою, пайдаланушылардың анықтамалықтарға ақпарат қосуына рұқсат беру және басқалары) ретке келтіруге;

§         Шағын жүйенің деректер базасына қосылған пайдаланушыларды қарауға;

§         қажет болған жағдайда пайдаланушыларды Шағын жүйенің деректер базасынан ажыратуға мүмкіндік береді.

"Пайдаланушы" АЖО пайдаланушыға:

§         жүйеде тіркелуге;

§         парольді қолданудың берілген кезеңіне сәйкес өз паролін өзгертуге;

§         ААШЖ анықтамалықтарын толтыруға және жүргізуге;

§         қағазға басылған құжаттардағы шығыс ақпаратын (қадағаланатын субъектілер туралы анықтамалық ақпарат) енгізуге;

§         анықтамалық ақпаратқа сәйкес кезең-кезеңімен бақылауға;

§         сақтандыру ұйымдары жіберген есептерді қисынды бақылауды жүзеге асыруға;

§         сақтандыру ұйымдары жіберген есептерді бекітуге;

§         есептердің жай-күйі туралы анықтамалар алуға;

§         жиынтық есептерді қалыптастыруға;

§         жиынтық есептерді бекітуге;

§         кіріс есептерін мұрағаттауға;

§         есептерді шығаруға (экранға, басып шығаруға, Excel-ге);

§         стандартқа жатпайтын сұратуларды орындауға мүмкіндік береді.

"Сақтандыру ұйымдарының есептерін қалыптастыру" АЖО сақтандыру және қайта сақтандыру ұйымдарында белгіленеді және пайдаланушыға:

§         есептерді шығаруға және редакциялауға;

§         есептерді xml форматындағы файлдар түрінде сақтауға;

§         сақталған есептерді редакциялау үшін қосуға;

§         жауап беру хабарларын; қисынды қателердің хаттамаларын; анықтамалық ақпаратты қабылдауға;

§         қадағаланатын жүзеге асыратын орталық аппараттан жіберілген файлдан нормативтік-анықтамалық ақпаратты қосуға мүмкіндік береді.

"Есептік-статистикалық ақпаратты жинау" АЖО пайдаланушыға:

§         қадағалауда тұрған ұйымдар "Сақтандыру ұйымдарының есептерін қалыптастыру" АЖО-да қалыптастырған файлдарды алуға және қосуға;

§         ақпараттың дұрыстығын және толықтығын бақылауға (қисынды бақылаусыз);

§         ақпаратты ДБ-ның жедел кестелеріне қосуға;

§         қосу қателерінің хаттамаларын сақтандыру ұйымдарына жіберу үшін мәтіндік файл түрінде қалыптастыруға және сақтауға;

§         анықтамалықтар бар файлдарды сақтандыру ұйымдарына жіберу үшін қалыптастыруға және сақтауға;

§         қисынды бақылау қателерінің хаттамаларын сақтандыру ұйымдарына жіберу үшін мәтіндік файл түрінде сақтауға;

§         қосылған файлдардың және қалыптастырылған хаттамалардың журналын қалыптастыруға (хаттаманы қарау мүмкіндігімен);

§         ЖО-ның жұмыс істеу өлшемдерін ретке келтіруге;

§         банктерден жіберілген нысан бойынша "ЕДБ-ден есептік-статистикалық ақпаратты жинау және өңдеу" ААШЖ-нен ақпаратты қосуға мүмкіндік береді.

Техникалық қамтамасыз етуге қойылатын талаптар:

Сервердің өлшемдері:

Жұмыс станциясының өлшемдері: